ხვალ საზოგადოება გაიგებს ვინ იქნება ქვეყნის პრემიერი, დასახელდება შინაგან საქმეთა მინისტრიც - კახი კალაძე - პალიტრა ვიდეო

ირაკლი ღარიბაშვილს შესწევს უნარი, იყოს ქვეყნის პრემიერ-მინისტრი, - ამის შესახებ ენერგეტიკის მინისტრმა კახი კალაძემ ტელეკომპანია "იმედის" ეთერში, გადაცემა "ღია ეთერში" სტუმრობისას განაცხადა.
მისი თქმით, ღარიბაშვილი ნამდვილად ღირსეული პიროვნება და სუფთა წარსულის მქონე უპატიოსნესი ადამიანია.

მინისტრის განცხადებით, სრული გულწრფელობით შეუძლია თქვას, რომ კონკრეტული საუბარი პრემიერის კანდიდატურაზე მასთან არ ყოფილა.

ხვალ საზოგადოება გაიგებს ვინ იქნება ქვეყნის პრემიერი, იქნება აუცილებლად დასახელებული, თუ ვინ იქნება შინაგან საქმეთა მინისტრიც, - განაცხადა კალაძემ.