ირკუტსკში ავიაკატასტროფას 6 ადამიანი ემსხვერპლა
რუსეთის ფედერაციის ქალაქ ირკუტსკში თვითმფრინავის ჩამოვარდნის შედეგად 6 ადამიანი დაიღუპა. გავრცელებული ინფორმაციით, თვითმფრინავმა АН12 კატასტროფა ნოვოსიბირსკიდან ირკუტსკის მიმართულებით ფრენისას განიცადა. "თვითმფრინავი სამხედრო ნაწილების სათავსოს დაეცა. დაღუპულია ეკიპაჟის ექვსი წევრი", - განაცხადეს ციმბირის საგანგებო სიტუაციების სამსახურში. ამასთან, დაუზუსტებელი ინფორმაციით, დაღუპულია ცხრა ადამიანი.