პატიმრის წამების ფაქტზე მეგის ქარდავას და გაგა მკურნალიძეს ბრალი დაუმძიმდათ - პალიტრა ვიდეო

ტერორისტული აქტის მომზადების აღიარების მისაღებად პატიმრის წამების ფაქტზე, ბრალდებულის სახით, პასუხისგებაში მიეცნენ სასჯელაღსრულების დეპარტამენტის უფროსის ყოფილი მოადგილე გაგა მკურნალიძე და შსს სამეგრელო-ზემო სვანეთის სამხარეო მთავარი სამმართველოს უფროსის ყოფილი მოადგილე მეგის ქარდავა, ხოლო სასჯელაღსრულების დეპარტამენტის მე-8 დაწესებულების ყოფილი უფროსი ალექსანდრე მუხაძე - სამსახურებრივი უფლებამოსილების გადამეტების ფაქტზე.

როგორც პროკურატურაში აცხადებენ, მეგის ქარდავა და ალექსანდრე მუხაძე ამჟამად მიმალვაში იმყოფებიან. ბრალდებულების მიმართ გამოძიება გრძელდება საქართველოს სსკ-ის 1441-ე მუხლის მეორე ნაწილით და 333-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას ცხრიდან თხუთმეტ წლამდე ვადით.