ორი აქცია საყდრისის ისტორიულ საბადოზე სამუშაოების შეწყვეტის მოთხოვნით - პალიტრა ვიდეო

მეცნიერთა და საზოგადოების წარმომადგენელთა ჯგუფმა კულტურის სამინისტროსთან აქცია გამართა, სადაც მათ საყდრისის 5 000 წლის ოქროს საბადოზე კომპანია RMG gold-ის მიერ სამუშაოების დაწყება გააპროტესტეს. აქციის მონაწილეები სამინისტროსგან ძეგლზე განხორციელებული ვანდალიზმის შეწყვეტას მოითხოვენ.

კულტურის სამინისტროდან აქციის მონაწილეებმა ვაკეში RMG gold-ის ოფისთან გადაინაცვლეს. აქციაზე ადა მარშანიამ ხელისუფლება უმოქმედობაში დაადანაშაულა, კომპანია RMG gold-ი კი გაურკვეველი წარმომავლობის კომპანიად მოიხსენია, რომელიც ეროვნულ ფასეულობას ანგრევს. აქციის მონაწილეებმა კომპანიის ხელმძღვანელობას მოუწოდეს, შეწყვიტოს ისტორიულ ოქროს საბადოზე სამუშაოები.