X
ქართული სცენის "არწივს", თემურ წიკლაურს ვარსკვლავი გაუხსნეს
16:09 / 23-01-2014
ქართული სცენის ვარსკვლავს, მომღერალ თემურ წიკლაურს დაბადებიდან 67 წლის იუბილესა და სცენაზე 45 წლის მოღვაწეობის აღსანიშნავად ვარსკვლავი გაუხსნეს. საიუბილეო საღამო 22 იანვარს ფილარმონიის დიდ საკონცერტო დარბაზში გაიმართა.

საღამო ნუგზარ კვაშალმა გახსნა. თემურ წიკლაურმა სცენაზე თავისი ცნობილი ჰიტები შეასრულა. კონცერტში ახლაგაზრდა შემსრულებლებიც მონაწილეობდნენ: და-ძმა - სოფო და ბორის ბედიები, ქეთი წიკლაური, გიორგი ბოლაშვილი, ტატო გოდერძიშვილი.

სარამოს ესწრებოდნენ იუბილარის კოლეგები "ივერიიდან", ასევე ქართველი ჯარისკაცები, მომღერალმა მათ განსაკუთრებული მადლობა გადაუხადა. თემურ წიკლაურმა მუსიკალური ნომერი საქართველოს პატრიარქსაც მიუძღვნა, რასაც დარბაზში ტაში, მეუფე თადეოზის სცენაზე ასვლა და მომღერლისთვის ექსპრომტად ლექსის მიძღვნა მოჰყვა.

საღამო მუხრან მაჭავარიანის ლექსზე შექმნილი სიმღერით დასრულდა. შემდეგ კი ყველამ ფილარმონიის შესასვლელთან გადაინაცვლა, სადაც დიდი ოვაციების თანხლებით მომღერლის ვარსკვლავი გაიხსნა.

ავტორი: ნათია გედენიძე
ბოლო სიახლეები
Autoplay
პოპულარული
მომენტი, როცა ლადო ბედუკაძეს ინტერვიუს დროს სანთებელა ესროლეს
როგორ გამოიყურება აზერბაიჯანში წარმოებული GAZ-ის ავტომობილები
რა დაგვიჯდა ავლაბრის რეზიდენციის შენახვა ზურაბიშვილის არჩევიდან დღემდე - "უპატრონო სასახლის" კოლოსალური ხარჯები
ჩინური ენის სწავლება სკოლებში მე-5 კლასიდან დაიწყება