X
ბიჭი, რომელმაც მოსკოვის სკოლაში ორი ადამიანი მოკლა, წარჩინებული მოსწავლე აღმოჩნდა
15:45 / 03-02-2014
მოსკოვის 263-ე სკოლაში მომხდარი ინციდენტის დამატებითი დეტალები გახდა ცნობილი. lifenews-ის ინფორმაციით, დამნაშავე, რომელმაც სკოლაში ცეცხლი გახსნა, მეათე კლასის მოსწავლე სერგეი გ. აღმოჩნდა. იგი სკოლის ერთ-ერთი წარჩინებული მოსწავლე იყო და სხვადასხვა სასკოლო ოლიმპიადაშიც მონაწილეობდა.

აღმოჩნდა, რომ ცოტა ხნის წინ სერგეის გეოგრაფიის მასწავლებელთან, 31 წლის ანდრეი კირილოვთან კონფლიქტი მოუვიდა. სერგეი გ. ოქროს მედალზე სკოლის დამთავრებას ვერ ახერხებდა, რადგან პედაგოგი მას დაბალ ნიშნებს უწერდა. მოსწავლემ მასწავლებელზე შურისძიება განიზრახა. 3 თებერვალს სერგეი სკოლაში მივიდა და იარაღის მუქარით დაცვა აიძულა, შენობაში შეეშვა, თუმცა, სანამ დაცვის წევრი მის მოთხოვნას შეასრულებდა, მოასწრო და განგაშის ღილაკს დააჭირა ხელი. მოსწავლე პირველ სართულზე მდებარე კაბინეტში შევიდა, სადაც იმ დროს მე-10 კლასის გეოგრაფიის გაკვეთილი მიმდინარეობდა. ოთახში 20-ზე მეტი ბავშვი იმყოფებოდა.

სკოლაში მისულ პოლიციის თანამშრომლებს დამნაშავემ ცეცხლი გაუხსნა, რის შედეგადაც სასიკვდილოდ დაიჭრა უფროსი სერჟანტი სერგეი ბუშუევი. მოსწავლემ ასევე ესროლა გეოგრაფიის მასწავლებელსაც. 31 წლის ანდრეი კირილოვი მიყენებული ჭრილობით გარდაიცვალა. 1-საათიანი მძევლად აყვანის შემდეგ დამნაშავემ მოსწავლეები გაუშვა, ხოლო პოლიციამ მისი დაკავება მოახერხა.

იხილეთ: მოსკოვის სკოლაში შეიარაღებულმა მოსწავლემ ორი ადამიანი მოკლა
ბოლო სიახლეები
Autoplay
პოპულარული
რა ინციდენტი შეემთხვა გუშინ გია სურამელაშვილს რესტორანში - რას ამბობს მომღერლის პროდიუსერი და რას აცხადებენ შსს-ში
არქეოლოგებმა ჩვ. წ. აღ-მდე XV-XIV საუკუნეების სამარხი და ადამიანის ნეშტი აღმოაჩინეს
3 წლის გაუჩინარებული გოგონას საქმეს 13 წლის შემდეგ ახალი ეჭვმიტანილი ჰყავს - ბრიტანეთში მომხდარი ტრაგედია, რომელზეც სერიალიც კი შექმნეს
"5 თვეა ვეძებ შვილს და ვერ ვპოულობ" - ფოთში დაკარგული 31 წლის ირაკლი ჯაბუას ოჯახი დახმარებას ითხოვს
"ნეტა, გადამეღო ყველაფერი" - ექსკლუზიური ინტერვიუ ფოტოგრაფთან, რომელმაც 19 წლის გიორგი შაქარაშვილი ბოლოს ნახა
პუტინის ქალიშვილების 7 უცნობი ფოტო, რომლებიც რუსეთიდან გაქცეულმა ბანკირმა  გაასაჯაროვა
"ლაწირაკო, უზრდელო, მაიმუნო!" - სიტყვიერი და ფიზიკური დაპირისპირება „ნაციონალური მოძრაობის“ პოლიტსაბჭოს წევრსა და აქტივისტს შორის
"ოქრო დიდ როლს თამაშობს... ცეკვა მრავალფეროვანია" - ერაყში მცხოვრები ქართველი გოგო გვიყვება, როგორ ხდება ქორწინება ერაყში