რა სხვაობას ხედავს ზურაბ აბაშიძე 10 წლის წინანდელ და დღევანდელ რუსეთს შორის - პალიტრა ვიდეო

რას უნდა ელოდოს საქართველო ჩრდილოელი მეზობლისგან და რა შეიძლება შეიცვალოს სოჭის ოლიმპიადის შემდეგ საქართველო-რუსეთის ურთიერთობებში? - ამ თემებზე "პალიტრა ტვ"-ს გადაცემა "ემას შოუში" პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ ისაუბრა.

შეგახსენებთ, 2000-2004 წლებში აბაშიძე რუსეთის ფედერაციაში საქართველოს დიპლომატიურ მისიას ხელმძღვანელობდა. წამყვანის შეკითხვაზე, რა შეიცვალა 10-14 წლის შემდეგ ამ ქვეყანაში, დიპლომატის თქმით, ორივე ქვეყნისთვის, ისე როგორც მათი მეზობელი ქვეყნებისათვის საერთო საფრთხეები გამოჩნდა: "გამოიკვეთა საერთო საფრთხეები, რომელიც ჩვენსა და რუსეთის წინაშე, ჩვენი სხვა მეზობლების წინაშე დგას. ტერორიზმი, რადიკალიზმი, ფუნდამენტალიზმი, დესტაბილიზაციის ელემენტები, რაც სამხრეთ რეგიონებიდან მოდის, როგორ იმოქმედებს სამხრეთ კავკასიაზე" - აღნიშნა ზურაბ აბაშიძემ.

იხილეთ გადაცემა "ემას შოუ" სრულად