ხარკოვში შტურმის დროს 97 ადამიანი დაშავდა - პალიტრა ვიდეო

ხარკოვში მხარის ადმინისტრაციის შენობის შტურმის დროს 97 ადამიანი დაშავდა. ამის შესახებ უკრაინული სააგენტო "უნიანი" იტყობინება. ხარკოვის საავადმყოფოში გადაუდებელი სამედიცინო დახმარების გასაწევად 76 ადამიანი მიიყვანეს, მხარის კლინიკურ საავადმყოფოსი კი - 21. ყველა მათგანს სხვადასხვა სახის დაზიანებები აღენიშნება. ორ მოქალაქს კი, პნევმატური იარაღიდან მიიღებული ჭრილობები აღენიშნება.

"უნიანის" ცნობით, ხარკოვში არსებულ მხარის ადმინისტრაციის შენობაზე მომიტინგეებმა რუსული დროშა აღმართეს. შტურმის მონაწილეებმა მეიდანის რამდენიმე აქტივისტი შენობიდან გამოათრიეს. ისინი მიიყვანეს სცენაზე, რომლიდანაც ქალაქის ხელისუფლების მხარდამჭერები მომიტინგეებს მიმართავდნენ.