საზარელი ტრაგედია ჩინეთში: რკინიგზის სადგურში დანებით 33 ადამიანი აკუწეს, 130 დაჭრეს
საზარელი ტრაგედია დატრიალდა ჩინეთში 1 მარტის ღამით, რომელსაც 33 ადამიანის სიცოცხლე ემსხვერპლა. ქალაქ კუნმინში დანებით შეიარაღებული, შავ ტანსაცმელში ჩაცმული პირები რკინიგზის სადგურში შეიჭრენ და მგზავრებს თავს დაესხნენ. წინასწარი ინფორმაციით, 33 ადამიანი დაიღუპა, ხოლო 130-მა სხვადასხვა სახის ჭრილობები მიიღო. პოლიციამ 4 დამნაშავეს ლიოკვიდაცია მოახდინა, ხოლო რამდენიმე დააკავა. ხელისუფლებამ მომხდარი ტერორისტულ აქტად შერაცხა. ჯერჯერობით უცნობია, თუ რა მოტივი ამოძრავებდათ დამნაშავეებს. მკვლელობაზე პასუხისმგებლობა ჯერ არავის აუღია.