X
კიეველი ბიჭი პუტინს ნაჩუქარ საათს 10 წლის შემდეგ უბრუნებს
14:13 / 16-03-2014
16 წლის კიეველმა ახალგაზრდამ, ანდრეი სენკომ ვლადიმერ პუტინს 10 წლის წინ ნაჩუქარი სახელობითი ნივთი უკან დაუბრუნა.

"ვლადიმერ ვლადიმეროვიჩ, თქვენ მატყუარა ხართ. ამიტომ იძულებული ვარ საჩუქარი უკან დაგიბრუნოთ", - მიმართა სენკომ პუტინს ადგილობრივი მედიის საშუალებით.

ახალგაზრდამ რუსეთის პრეზიდენტისგან სახელობითი მაჯის საათი 10 წლის წინ მიიღო. მაშინ პუტინი კიევს სტუმრობდა და ამ ვიზიტის აღსანიშნად ადგილობრივთა კითხვებს ინტერნეტით პასუხობდა. შეკითხვა 6 წლის ანდრეიმაც დაუსვა. "რაზე ოცნებობთ?", - დაინტერესდა ბიჭუნა და პუტინისგან პასუხიც მიიღო - "რომ ყველა ბავშვი და მშობელი ბედნიერი იყოს და მშვიდობიანად იცხოვროს".

ამ ამბიდან 10 წლის შემდეგ კიეველი ბიჭი საჩუქარზე უარს ამბობს.

"თქვენ მომატყუეთ. ესეც კი საკმარისი იმისთვის, რომ საჩუქარი დაგიბრუნოთ. თქვენთან პირისპირ შეხვედრა რომ შემეძლოს, თვალებში ჩაგხედავდით და პირში გეტყოდით: "ვლადიმერ ვლადიმეროვიჩ, თქვენ მატყუარა ხართ", - განაცხადა სენკომ. მისი თქმით, მთელი ბავშვობა სამშობლოს სიყვარულს უნერგავდნენ და ახლაც მზად არის თავის მიწაზე მშვიდობისთვის იბრძოლოს.

საინფორმაციო პორტალი ამბები.გე
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა