საპატრიარქოს სამედიცინო ცენტრის ექიმებმა წალკის მოსახლეობას უფასო გამოკვლევები ჩაუტარეს - პალიტრა ვიდეო

საქართველოს საპატრიარქოს წმინდა იოაკიმესა და ანას სახელობის სამედიცინო ცენტრის ექიმებმა წალკის რაიონის მოსახლეობას უფასო სამედიცინო გამოკვლევები ჩაუტარეს.

წალკის მოსახლეობას თერაპევტი, ენდოკრინოლოგი, ქირურგი, მეან-გინეკოლოგი, კარდიოლოგი, ოფთალმოლოგი, ალერგოლოგი და ექოსკოპიის კაბინეტი უფასოდ მოემსახურა. მოსახლეობამ საჭირო მედიკამენტებიც უფასოდ მიიღო.

საპატრიარქოს წმინდა იოაკიმესა და ანას სახელობის სამედიცინო ცენტრი მსგავს უფასო სამედიცინო აქციებს ხშირად მართავს. ექიმთა ჯგუფი პერიოდულად ჩადის მაღალმთიან, საზღვრისპირა და ეროვნული უმცირესობებით დასახლებულ რაიონებში.