"გახდი ისტორიული დღის მონაწილე": გრანდიოზული კონცერტი ასოცირების ხელშეკრულების ხელმოწერის დღეს
ასოცირების ხელშეკრულების ხელმოწერის დღესთან დაკავშირებით თბილისში საზეიმო კონცერტი გაიმართება. გრანდიოზული კონცერტი 20:30 საათზე ევროპის მოედანზე ჩატარდება და მასში მონაწილეობას მიიღებენ უცხოეთში მოღვაწე ქართველი ვარსკვლავები და ქართული ესტრადის მომღერლები. კონცერტს შეუერთდება ბრიუსელიდან დაბრუნებული სამთავრობო დელეგაცია. მოსახლეობას სიტყვით მიმართავენ საქართველოს პრეზიდენტი გიორგი მარგველაშვილი და პრემიერ-მინისტრი ირაკლი ღარიბაშვილი.