რა მიაჩნია საეჭვოდ თამარ ჩერგოლეიშვილს ეროსი კიწმარიშვილის გარდაცვალებასთან დაკავშირებით
ეჭვს ბადებს ის ვერსია, თითქოს, მან დღეს დაირეგისტრირა იარაღი და ამ იარაღით დღესვე, შესაძლოა, თავი მოიკლა, - განაცხადა ჟურნალ "ტაბულას" მთავარმა რედაქტორმა თამარ ჩერგოლეიშვილმა ეროსი კიწმარიშვილის გარდაცვალებასთან დაკავშირებით "რუსთავი 2"-ის გადაცემა "არჩევანში". ჩერგოლეიშვილმა კიწმარიშვილის ოჯახს და ახლობლებს მიუსამძიმრა და განაცხადა, რომ "რუსთავი 2" ბიძინა ივანიშვილის სამიზნეა, ტელეკომპანიაზე შეტევა მზადდება და უჭირს ენდოს "ფარცხალაძის უწყებას".