პირველ რიგში რომელ პაციენტთან მივა სასწრაფო დახმარება? - ჯანდაცვის სამინისტრო ახალ რეგულაციებს ამზადებს - პალიტრა ვიდეო

სასწრაფო დახმარების გამართული მუშაობისთვის ჯანდაცვის სამინისტრო ახალ რეგულაციებს ამზადებს. გამოძახების პრიორიტეტების განსასაზღვრად სამუშაო ჯგუფი უკვე შეიქმნა. რეგიონებში სასწრაფო დახმარების ცენტრის დირექტორის, თემურ ხარაშვილის თქმით, ახალი რეგულაციის შემოღება არ ნიშნავს, რომ ვინმეს სასწრაფო დახმარების გამოძახება შეეზღუდება. არამედ ამით დარეგულირდება, პირველ რიგში რომელ პაციენტთან უნდა მივიდეს სამედიცინო ჯგუფი.