მერაბიშვილი-უგულავას პირველი და ემოციური შეხვედრა სასამართლოში - პალიტრა ვიდეო

საქალაქო სასამართლოში ვანო მერაბიშვილისა და გიგი უგულავას სასამართლო პროცესი იმართება. დღევანდელ პროცესს ორივე ბრალდებული ესწრება. ყოფილი მაღალჩინოსნები ბრალდებულის სკამზე მოხვედრის შემდეგ, სასამართლოში პირველად შეხვდნენ. შეხვედრა საკმაოდ ემოციური გამოდგა: თბილისის ყოფილი მერი და ყოფილი შს მინისტრი ერთმანეთს გადაეხვივნენ, რასაც პროცესზე დამსწრეების ტაში და შეძახილები მოჰყვა.

უგულავა და მერაბიშვილი 7 ნოემბრის აქციის დარბევისა და "ტელეიმედში" შეჭრის საქმეზე მიხეილ სააკაშვილთან, დავით კეზერაშვილთან და ზურაბ ადეიშვილთან ერთად არიან ბრალდებულები. მათ ბრალად სისხლის სამართლის კოდექსის 333-ე მუხლით გათვალისწინებული დანაშაული ედებათ, რაც სამსახურებრივი უფლებამოსილების გადამეტებას გულისხმობს. კეზერაშვილს, ადეიშვილსა და სააკაშვილს აღნიშნულ საქმეზე აღკვეთის ღონისძიებად პატიმრობა შეეფარდათ.

Emotional first meeting between Ugulava and Merabishvili in court - Watch the video on georgianews.ge