სახელმწიფო დაცვის სპეცსამსახურის თანამშრომელმა ახალგაზრდა ქალი დახრჩობას გადაარჩინა
საქართველოს სახელმწიფო დაცვის სპეციალური სამსახურის უმცროსმა სერჟანტმა ახალგაზრდა ქალი დახრჩობას გადაარჩინა. გოგონა თვითმკვლელობის მიზნით მტკვარში გადახტა. მალხაზ სინჯარაძემ ის სამსახურებრივი მოვალეობის შესრულებისას შენიშნა და ნაპირზე გამოიყვანა. შემთხვევის ადგილზე რამდენიმე წუთში მივიდნენ სამაშველო სამსახურისა და საპატრულო პოლიციის წარმომადგენლები. სასწრაფო სამედიცინო დახმარების ბრიგადამ ახალგაზრდა ქალი საავადმყოფოში გადაიყვანა. მისი ჯანმრთელობის მდგომარეობა სტაბილურია.