ჭიკაიძემ და ალასანიამ ახალ სასროლეთში თავადაც ისროლეს
შინაგან საქმეთა მინისტრმა ალექსანდრე ჭიკაიძემ 25 სექტემბერს სპეციალური და საგანგებო ღონისძიებების ცენტრის სპეციალური ოპერაციების დეპარტამენტის პირადი შემადგენლობის წვრთნებისთვის გაკეთებული ახალი სასროლეთი დაათვალიერა. ღონისძიებას თავდაცვის მინისტრი ირაკლი ალასანია და პარლამენტის წევრებიც დაესწრნენ. გავრცელებული ინფორმაციით, თანამედროვე სტანდარტებით მოწყობილი სასროლეთი და განახლებული შეიარაღება გააუმჯობესებს და აამაღლებს შსს-ს სპეციალური ოპერაციების დეპარტამენტის პირადი შემადგენლობის პროფესიონალურ დონეს.
კონტრტერორისტული ოპერაციების სამმართველოს თანამშრომლებმა სასროლეთზე საჩვენებელი ტაქტიკური წვრთნები მოაწყვეს. გავრცელებული ინფორმაციითვე, სამიზნეების ახალი სისტემა სრულად კომპიუტერიზებულია და ოპერატორის მიერ მართვის პულტით პროგრამულად იმართება. აღნიშნული სისტემა მოიერიშეთათვის მრავალფუნქციური ვარჯიშების საშუალებას იძლევა და ხელს უწყობს საბრძოლო უნარ-ჩვევების განვითარებას.
მებრძოლებმა სტუმრებს პროფესიული მომზადების მაღალი დონე უჩვენეს. შს მინისტრმა სტუმრებს ცენტრის ტერიტორია და ახალი ინფრასტრუქტურა დაათვალიერებინა.
კონტრტერორისტული ოპერაციების სამმართველოს თანამშრომლებმა სასროლეთზე საჩვენებელი ტაქტიკური წვრთნები მოაწყვეს. გავრცელებული ინფორმაციითვე, სამიზნეების ახალი სისტემა სრულად კომპიუტერიზებულია და ოპერატორის მიერ მართვის პულტით პროგრამულად იმართება. აღნიშნული სისტემა მოიერიშეთათვის მრავალფუნქციური ვარჯიშების საშუალებას იძლევა და ხელს უწყობს საბრძოლო უნარ-ჩვევების განვითარებას.
მებრძოლებმა სტუმრებს პროფესიული მომზადების მაღალი დონე უჩვენეს. შს მინისტრმა სტუმრებს ცენტრის ტერიტორია და ახალი ინფრასტრუქტურა დაათვალიერებინა.