ბაქო-თბილისის ავტობუსი სატვირთოს შეეჯახა: დაღუპულია 3 მგზავრი, მათ შორის, ბავშვი
აზერბაიჯანში მომხდარი ავტოავარიის დროს სამი ადამიანი დაიღუპა და 40 დაშავდა. ავარია წუხელ, დაახლოებით 03:00 საათზე მოხდა ბაქოდან 370 კმ-ის მოშორებით. "მერსედესის" მარკის სამგზავრო ავტობუსი საქართველოს სანომრე ნიშნებით, ბაქოდან მარნეულისკენ მიემართებოდა, რა დროსაც სატვირთო ავტომანქანას შეეჯახა. შეჯახების შედეგად ავტობუსი დაიწვა. დაღუპულია 3 ადამიანი, რომელთაგან ორი აზერბაიჯანის, ერთი კი საქართველოს მოქალაქეა. გარდაცვლილებს შორისაა 9-10 წლის ასაკის ბავშვი.
წინასწარი ინფორმაციით, ავარია ავტობუსის მძღოლის დაუდევრობას უკავშირდება. სავარაუდოდ, მას ჩაეძინა. მომხდართან დაკავშირებით სისხლის სამართლის საქმე სწორედ მის წინააღმდეგაა აღძრული.
ავარიის შედეგად დაშავებულები ბაქოს მე-3 კლინიკურ საავადმყოფოში არიან მოთავსებულები. სამი მათგანის მდგომარეობა უკიდურესად მძიმეა.
წინასწარი ინფორმაციით, ავარია ავტობუსის მძღოლის დაუდევრობას უკავშირდება. სავარაუდოდ, მას ჩაეძინა. მომხდართან დაკავშირებით სისხლის სამართლის საქმე სწორედ მის წინააღმდეგაა აღძრული.
ავარიის შედეგად დაშავებულები ბაქოს მე-3 კლინიკურ საავადმყოფოში არიან მოთავსებულები. სამი მათგანის მდგომარეობა უკიდურესად მძიმეა.