სათვალთვალო კამერამ დააფიქსირა, როგორ ესროლა ამერიკელმა პოლიციელმა ფერადკანიან მოზარდს, რომელსაც პნევმატური პისტოლეტი ჰქონდა. ტრაგედია 22 ოქტომბერს აშშ-ში, კლივლენდში მოხდა. ცეცხლსასროლი იარაღით მიყენებული მძიმე ჭრილობის შედეგად 12 წლის ბიჭუნა საავადმყოფოში გარდაიცვალა.
კადრებში ჩანს, როგორ დადის ბიჭი ქუჩაში, გასართობ ცენტრთან ახლოს და ხელში იარაღს ათამაშებს. მოგვიანებით შენობასთან, რომელთანაც 12 წლის ტამირ რაისი ჩერდება, პოლიციის ავტომობილი მიდის. ავტომობილიდან ორი სამართალდამცველი გადმოდის. ერთ-ერთი მათგანი ბიჭუნას ხელების ჩვენებას სთხოვს. იგი არ ემორჩილება და ხელი ქამრისკენ მიაქვს, რის შემდეგაც ერთ-ერთი პოლიციელი ესვრის. პოლიცია გასართობ პარკ Cudell-ში მას შემდეგ მივიდა, რაც პოლიციის სამმართველოში პარკში იარაღიანი ბავშვის ყოფნის შესახებ შეტყობინება შევიდა.
