ამ დღეს მთელ მსოფლიოში ყველა უფასოდ ეხუტება ერთმანეთს! - პალიტრა ვიდეო

4 დეკემბერს მსოფლიო ჩახუტების საერთაშორისო დღეს აღნიშნავს. დღესასწაული ევროპაში 70-იანი წლებიდან აღინიშნება. ჩახუტების სარგებელს სამეცნიერო კვლევებიც ადასტურებს, რომლის თანახმად, მეგობრული შეხება იმუნიტეტს აძლიერებს, ცენტრალური ნერვული სისტემის სტიმულირებას ახდენს და სისხლში ჰემოგლობინის დონეს სწევს. უფრო მეტიც, გულწრფელი ჩახუტების დროს ადამიანის ორგანიზმში ოქსიტოცინი გამოიყოფა, რომელიც სხვა ადამიანების მიმართ კეთილგანწყობას იწვევს.

ჩახუტების დღე - ეს შესანიშნავია ტრადიციაა კიდევ იმიტომ, რომ შესაძლებელია, ვისაც გინდა, იმას ჩაეხუტო. ყველაზე ხშირად კი ჩახუტების "მსხვერპლნი" უცნობები არიან. თუ მაინც ფიქრობთ, რომ ნებისმიერი გამვლელის ჩახუტება სისულელეა, მაშინ ცნობილი აქციის - Free Hugs-ის ვიდეო ნახეთ, რომელიც იტალიაში, ქალაქ სონდრიოში ჩაატარეს. როგორც ჩანს, "უფასო ჩახუტებით" გამვლელები აღფრთოვანებულნი არიან.