საბურთალოზე ”მერსედესი” გზიდან გადავარდა და მიწისქვეშა გასასვლელში ჩავარდა
ავტოსაგზაო შემთხვევა მოხდა თბილისში, საბურთალოზე. ”მერსედესის” მარკის მსუბუქი ავტომობილი სავალი ნაწილიდან გადავარდა და მიწისქვეშა გასასვლელში ჩავარდა, - ინფორმაციას ამის შესახებ ”რუსთავი 2” ავრცელებს. შემთხვევისას მანქანაში სამი ადამიანი იმყოფებოდა. მათ მსუბუქი დაზიანებები მიიღეს. დაშავებულები საავადმყოფოში გადაიყვანეს. ადგილზე სამართალდამცველები მუშაობენ.