როგორი ურთიერთობა აქვს გუბაზ სანიკიძეს ბიძინა ივანიშვილთან
როგორი ურთიერთობა აქვს გუბაზ სანიკიძეს ბიძინა ივანიშვილთან? - ამ თემაზე პარლამენტის ვიცე-სპიკერმა და საპარლამენტო უმრავლესობის წევრმა გადაცემა ”რეაქციაში” ისაუბრა. სანიკიძემ მის შესახებ გავრცელებულ ფარულ ჩანაწერზეც გააკეთა კომენტარი და განაცხადა, რომ ეს მისთვის ძალიან მძიმე თემაა და ჩანაწერი მონტაჟი იყო. ამასთან, სანიკიძემ არ გამორიცხა, რომ კიდევ გავრცელდეს მასთან დაკავშირებული მასალები, რადგან, სანიკიძის თქმით, მისი ”მორჯულება რთული გახდა”. რაც შეეხება ბიძინა ივანიშვილისა და მის ურთიერთობას, სანიკიძემ განაცხადა, რომ ივანიშვილი ”პატარა კაცი” არ არის და ამ ხნის განმავლობაში მას სამჯერ შეხვდა.