მიანმარის სანაპიროებთან ბორანის გადაბრუნების შედეგად 21 ადამიანი დაიღუპა - პალიტრა ვიდეო

მიანმარის სანაპიროებთან სამგზავრო ბორანის გადაბრუნების შედეგად 21 ადამიანი დაიღუპა, 27 კი დაკარგულია. "როიტერის" ცნობით, კატასტროფის დროს ბორტზე დაახლოებით 200 მგზავრი იმყოფებოდა, მათგან 170-მდე ადამიანი უკვე გადაარჩინეს.

წინასწარი ინფორმაციით, ბორანის ჩაძირვის მიზეზი ცუდი მეტეოროლოგიური პირობები გახდა. სამგზავრო ბორანი ქალაქ კიაოკპიუდან სიტუეში მიემგზავრებოდა.
ამ დროისთვის შემთხვევის ადგილას სამშველო სამუშაოები მიმდინარეობს.