ნადირაშვილი: "სტიქიის მეორე დღეს აშშ-ში საქართველოს ელჩი ნიაგარას ჩანჩქერზე დასასვენებლად გაემგზავრა"
"ნაციონალური მოძრაობის" წევრების ინფორმაციით, როდესაც თბილისში სტიქია მოხდა, მეორე დილით ამერიკის შეერთებულ შტატებში საქართველოს ელჩი არჩილ გეგეშიძე შვებულებაში გავიდა. როგორც პრესკონფერენციაზე "ნაციონალური მოძრაობის" წევრმა ირმა ნადირაშვილმა განაცხადა, როდესაც ასეთი შემთხვევები ხდება, ყველა საელჩო უნდა იყოს გადასული საგანგებო რეჟიმზე. მისივე თქმით, ასეთ სიტუაციაში ელჩის მხრიდან შვებულების აღება და დასასვენებლად გამგზავრება მიუთითებს ძალიან ღრმა კრიზისზე.