"იმედია, ისეთ გადაწყვეტილებას მიიღებენ, როგორსაც მიიღებდა ზურაბ ჟვანია, ნაფიცი მსაჯული რომ ყოფილიყო" - პალიტრა ვიდეო

ნაფიცი მსაჯულები დღეს, სავარაუდოდ, ჟვანიას საქმეზე ბრალდებულ კობა ხარშილაძესა და მიხეილ ძაძამიას ვერდიქტს გამოუტანენ. მსაჯულებს, კანონის შესაბამისად, პირველ ეტაპზე სამსაათიანი დრო განესაზღვრათ, რათა ერთხმად მიიღონ გადაწყვეტილება.

გადაწყვეტილების გამოტანამდე მედიასთან განცხადებები გააკეთეს საქმის პროკურორმა ზვიად გუბელაძემ და ჟვანიას საქმეზე ბრალდებულის, კობა ხარშილაძის ადვოკატმა ბექა ბასილაიამ.

როგორც პროკურორმა აღნიშნა, ბრალდების მხარემ დასაბუთებულად წარადგინა სასამართლო განხილვებისას ხარშილაძისა და ძაძამიას ბრალეულობა. რაც შეეხება დაცვის მხარეს, ბასილაია იმედოვნებს, რომ "ნაფიცი მსაჯულები მიიღებენ ისეთ გადაწყვეტილებას, როგორსაც ზურაბ ჟვანია მიიღებდა".

ასევე იხილეთ:

"ისეთი დარტყმაა, დღეს ცოცხალი დავრჩები თუ არა, ვერ გეტყვით" - გურანდა გაბუნია ჟვანიას საქმის პროცესზე

ჟვანიას დაცვის წევრის სკანდალური განცხადება: "ზურასგან მქონდა შემოთავაზება... მითხრა: იმედია, ძალიან არ შეგაშინე..."