X
გაიცანით აშშ-ის ახალი ელჩი საქართველოში იან კელი
14:42 / 14-09-2015
აშშ-ის სახელმწიფო დეპარტამენტი საქართველოში შეერთებული შტატების ახალი ელჩის, იან კელის ვიდეომიმართვას ავრცელებს. იან კელი, რომელმაც რიჩარდ ნორლანდი შეცვალა, საქართველოს ორიოდე დღეში ეწვევა.

მან აშშ-ის ახალი ელჩის რანგში 11 სექტემბერს, აშშ-ის სახელმწიფო დეპარტამენტში ფიცი დადო. კელიმ მთელი კარიერა დიპლომატიურ სამსახურში გაატარა. მისი რანგია მინისტრ-მრჩეველი. 2013 წლიდან ბოლო დრომდე ელჩი კელი დიპლომატის სტატუსით ჩიკაგოში, ილინოისის უნივერსიტეტში მუშაობდა. 2010-13 წლებში ვენაში, ევროპის უსაფრთხოებისა და თანამშრომლობის ორგანიზაციაში აშშ-ის ელჩი იყო; 2009-10 წლებში - სახელმწიფო დეპარტამენტის საზოგადოებრივ საქმეთა ბიუროს სპიკერი; 2007-09 წლებში - ევროპისა და ევრაზიის ბიუროს რუსეთის საქმეთა ოფისის დირექტორი, ხოლო 2004-07 წლებში - ნატოში აშშ-ის მისიის საზოგადოებრივ საქმეთა ოფიცერი. 2000-04 წლებში ელჩი კელი იტალიაში აშშ-ის საელჩოს საინფორმაციო ოფიცერი/პრეს-ატაშე იყო, ხოლო 1997-2000 წლებში - თურქეთში აშშ-ის საელჩოს საინფორმაციო ოფიცერი/პრეს-ატაშე. 1994-96 წლებში ის ახალი დამოუკიდებელი სახელმწიფოების დახმარების კოორდინაციის ოფისში პროგრამის ხელმძღვანელად მუშაობდა. უფრო ადრე ელჩ კელის ავსტრიაში, სერბეთში, ყოფილ საბჭოეთსა და იტალიაში აშშ-ის საელჩოებში სხვადასხვა თანამდებობები ეკავა. 1985 წელს, დიპლომატიურ სამსახურში შესვლამდე, ის ყოფილ საბჭოთა კავშირში, აგრეთვე ნიუ იორკის ბერნარდისა და კოლუმბიის კოლეჯებში რუსულ ენას ასწავლიდა. ელჩ კელის მიღებული აქვს ბაკალავრის ხარისხი წმინდა ოლაფის კოლეჯში, მაგისტრის ხარისხი - ნიუვესტერნის უნივერსიტეტში, ხოლო სადოქტორო ხარისხი - კოლუმბიის უნივერსიტეტში.
ბოლო სიახლეები
Autoplay
პოპულარული
“გაგვაჩუმა მთელი ოჯახი“ - პირდაპირ ეთერში ჟურნალისტის უხერხული კადრები გაიპარა, გუგა ქაშიბაძე სახალისო ვიდეოს აქვეყნებს
“COVID19-ისგან თავის დაცვის კიდევ ერთი მარტივი გზა“ - ყველასთვის ხელმისაწვდომი ხერხი, რომელიც გიორგი ღოღობერიძემ გაავრცელა
კიდევ ერთი უხერხული კადრი - კახა კალაძეს პირდაპირ ეთერში ბუზის მოგერიება დასჭირდა
“ქართულ უკრაინული ოჯახიც შედგა“ - გიორგი ბარამიძე დაქორწინდა
“აი ეს ხდება “თერჯოლა მედიში“ - 66 წლის კოვიდდადასტურებულ პაციენტს, რომელსაც სუნთქვა უჭირს, საავადმყოფო კარებს არ უღებს
ანა დოლიძეს პირდაპირ ეთერში უხერხული კადრები გაეპარა- როგორ ლოცულობს კანდიდატი
“რაც ნოდარა მელაძეა ტვ პირველზე, ეთერში სულ ეგ ზის“- თამარ ჩერგოლეიშვილი მიხეილ სააკაშვილზე
“მოდიან“ - მოცეკვავე კაცი აქციიდან, რომელიც უკვე ინტერნეტ ვარსკვლავი გახდა