ფშავში მომხდარი ორი მწყემსის მკვლელობა გახსნილია - პალიტრა ვიდეო

საქართველოს შინაგან საქმეთა სამინისტრომ დუშეთის რაიონში მომხდარი მკვლელობა გახსნა. როგორც "ინტერპრესნიუსს" შსს-დან აცნობეს, მცხეთა-მთიანეთის სამხარეო მთავარი სამმართველოს დუშეთის რაიონის სამმართველოს თანამშრომლებმა, ჩატარებული ოპერატიული-სამძებრო და საგამოძიებო ღონისძიებების შედეგად, 1971 წელს დაბადებული ტარიელ ლ. დამამძიმებელ გარემოებაში ჩადენილი განზრახ მკვლელობის ბრალდებით დააკავეს.

შსს-ს ცნობით, სამართალდამცველებმა დუშეთის რაიონის სოფელ უკანა ფშავის მიმდებარე ტერიტორიაზე ორი ცხედარი იპოვეს, რომლებსაც სავარაუდოდ, ცეცხლსასროლი იარაღიდან მიყენებული ჭრილობები აღენიშნებოდათ. გარდაცვლილი პირები ადგილობრივი მწყემსები აღმოჩნდნენ.