როგორ გამოიყურება სოხუმის "დიდების პარკი", რომელიც ომში დაღუპულ "აფხაზ გმირებს" ეძღვნება - პალიტრა ვიდეო

აფხაზეთის ცენტრში, მშვიდობის პროსპექტსა და ნესტორ ლაკობას ქუჩას შორის, "დიდების პარკი" მდებარეობს. აფხაზური ტურისტული საიტის, abhaztur.com-ის გვერდზე პარკის შესახებ ასეთ ინფორმაციას ამოიკითხავთ: "ეს ადგილი აფხაზეთის რესპუბლიკის მცხოვრებთათვის გლოვისა და სიამაყის ადგილია, რადგან ეძღვნება გმირებს, რომლებიც 1992-1993 წლებში ქართველ ოკუპანტებთან ბრძოლაში დაიღუპნენ".

პარკის ცენტრში მონუმენტი დგას - მიწაში ჩარჭობილი ხმალი, რაც ბრძოლის დამთავრებაზე მიუთითებს და ახსენებს ყველას: "ვინც ხმლით მოვა, ხმლით დაიღუპება". ქანდაკების ავტორი აფხაზი მოქანდაკე ამირან ადლეიბაა.