დაუჯერებელი ისტორია: ბრაზილიაში შხამიანი გველი წლინახევრის ბიჭუნას ნაკბენისგან მოკვდა
ბრაზილიაში გველისა და პატარა ბიჭუნას შეხვედრა გასაოცრად დასრულდა: ეზოში მოთამაშე წლინახევრის ბიჭუნამ შხამიანი გველი, სახელად ჟარარაკა იპოვა, რომლის ნაკბენი არა თუ ბავშვისთვის, ზრდასრული ადამიანისთვისაც სასიცოცხლოდ საშიშია. მოვლენები კი სრულიად საპირისპიროდ განვითარდა: როცა მშობლები ეზოში გამოვიდნენ, ბიჭუნას გველი ხელში ეჭირა და ღეჭავდა. ბავშვი მაშინვე საავადმყოფოში გადაიყვანეს. როგორც აღმოჩნდა, მას არა თუ ნაკბენი, არანაირი დაზიანება არ აღმოაჩნდა. სამაგიეროდ, ვერ გადარჩა თავად გველი - იგი ბიჭუნას ნაკბენებისგან მოკვდა.