რუბრიკა "დილა წიგნებისა" "დილა მშვიდობისა საქართველოს" ეთერში - მწერალი Toresa Mossy და საქართველოს პარლამენტის ეროვნული ბიბლიოთეკის დირექტორი გიორგი კეკელიძე კვირის საგამომცემლო სიახლეებს მაყურებელს ყოველ ორშაბათს აცნობენ.

დღეს გამოვიდა ახალი სერიის, "ჩემი საქართველოს" მეორე წიგნი "გურია". უკიდურესად ლამაზი და უკიდურესად ღარიბი, პარადოქსების მხარე, სადაც მთა, ზღვა და ყველაფერი ის არის, რისი მომადლებაც ბუნებას შეუძლია.

როგორ უნდა გახდეთ მარკეტინგის გურუ? - ამაში "პალიტრა L"-ის ახალი სერია, "წარმატების ბიბლიოთეკა" დაგეხმარებათ. სერია ალექსანდ ჰეიმის წიგნს - "მარკეინგი მარტივად" გთავაზობთ. აქ არის წესები, რომელთა მიხედვითაც თქვენ მარტივად გაიკვლევთ გზას. ამ სერიის კიდევ ერთი წიგნი კი გაყიდვებს გაგიმარტივებთ და ამას ტომ ჰოპკინსის წიგნის - "გაყიდვები მარტივად" დახმარებით შეძლებთ.

"პალიტრა L"-ის ახალი პროექტის, "ლიბერქიდსის" ფარგლებში გამოვიდა პირველი წიგნი, ტერი პრეტჩეტის "სატვირთოს გამტაცებლები", რომელიც 8-დან 12 წლამდე ასაკის ბავშვებს დააინტერესებთ.