ოდესაში "კანონიერი ქურდის" დაკავების კადრებს მიხელ სააკაშვილი ავრცელებს
24 ივლისს ოდესის სპეცრაზმმა მორიგი სპეცოპერაციისას ე.წ. კანონიერი ქურდი დააკავა. გავრცელებული ინფორმაციით, კრიმინალური ავტორიტეტი მეტსახელად "პოლტავა" დაბადების დღეს ქართულ რესტორანში აღნიშნავდა, რა დროსაც ის და მისი თანმხლები პირები აიყვანეს. სპეცოპერაციის ამსახველი კადრები ოდესის გუბერნატორმა მიხელ სააკაშვილმა საკუთარ "ფეისბუქის" გვერდზე გამოაქვეყნა.