ჰილარი კლინტონის 69-ე იუბილე თვითმფრინავში შოკოლადის ტორტით
ჰილარი კლინტონმა დაბადების დღე თვითმფრინავში აღნიშნა. იგი შოკოლადის საიუბილეო ტორტით მედიის წარმომადგენლებს გაუმასპინძლდა, რაც აშშ-ის პრეზიდენტობის კანდიდატების ტრადიციას წარმოადგენს. ჰილარი კლინტონი 69 წლის გახდა. როგორც პრეზიდენტობის დემოკრატმა კანდიდატმა აღნიშნა, არჩევნებამდე დარჩენილი დღეების განმავლობაში, საარჩევნო შტაბი დაუზოგავად იმუშავებს. ქვეყნის მასშტაბით ჩატარებული გამოკითხვების თანახმად, ამ დროისთვის კლინტონი დონალდ ტრამპს 6%-ით უსწრებს. ვინ გახდება მათ შორის აშშ-ის რიგით 45-ე პრეზიდენტი, ამას შტატების მოსახლეობა 8 ნოემბერს გადაწყვეტს.