"საქართველოსა და უკრაინას შორის ურთიერთობა პრაქტიკულად აღარ არსებობს" - ვიქტორ იუშჩენკო
უკრაინის ექს-პრეზიდენტი ვიქტორ იუშჩენკო თბილისშია. იუშჩნკო ორი ქვეყნის ურთიერთობაზე წუხილს გამოთქვამს და ამბობს, რომ საქართველოსა და უკრაინას შორის ურთიერთობა პრაქტიკულად აღარ არსებობს. საქართველოს ის არაოფიციალური ვიზიტით ეწვია. მას საქართველოს ეკონომიკა მოსწონს, ორ ქვეყანას შორის დიპლომატიური ურთიერთობები კი - არა. ექს-პრეზიდენტი მიიჩნევს, რომ 2 ქვეყანას თანამშრომლობის გაცილებით დიდი რესურსი აქვს და მათ ყველაფერი თავიდან უნდა დაიწყონ. მან არჩევნების პირველი ტურიც შეაფასა და თქვა, რომ ქვეყანაში არსებული მშვიდი გარემო განსაკუთრებით მოსწონს. იუშჩენკო საქართველოში კიდევ ერთხელ, ამჯერად საქმიანი ვიზიტით ჩამოვა.