პირადი ცხოვრების ამსახველი მასალის გავრცელებაში ბრალდებული ღურწკაია პატიმრობიდან გაათავისუფლეს
პირადი ცხოვრების ამსახველი მასალის გავრცელება - ე.წ. ფარული ჩანაწერების საქმეზე დაკავებული გელა ღურწკაია პატიმრობიდან გათავისუფლდა. გადაწყვეტილება თბილისის საქალაქო სასამართლოში გამართული დახურული სხდომის დასრულების შემდეგ გახდა ცნობილი. ბრალდებულებთან საპროცესო შეთანხმების გაფორმებაზე მოლაპარაკება არ მიმდინარეობს. პირადი ცხოვრების მასალის გავრცელების საქმეზე 4 პირია ბრალდებული, ხოლო მასალის გადაღების საქმეზე ძიება ცალკე საქმედ არის გამოყოფილი. საქმე ეხება "ქრონიკა +"-ის რედაქციაში მიტანილ კადრებს, რის გამოც ღურწკაია სისხლის სამართლის პასუხისგებაში მისცეს.