პირველი ლედი მისი ძმის, მიხეილ მგალობლიშვილის დაკავებასთან დაკავშირებით პირველ კომენტარს აკეთებს
პირველი ლედი მისი ძმის, მიხეილ მგალობლიშვილის დაკავებასთან დაკავშირებით პირველ კომენტარს აკეთებს. მაკა ჩიჩუა იმედოვნებს, რომ გამოძიება და სამართლიანობა მისი ძმის უდანაშაულობას დაადგენს. მიხეილ მგალობლიშვილის საქმეზე კომენტარის გაკეთებისგან თავს იკავებს ქვეყნის პირველი პირი. გიორგი მარგველაშვილი მიიჩნევს, რომ მისი შეფასება შესაძლოა გამოძიებაზე ზეწოლად იქნას აღქმული. მაკა ჩიჩუას ძმა რამდენიმე დღის წინ დააკავეს. შსს-ს ინფორმაციით, მიხეილ მგალობლიშვილს ბრალი ცეცხლსასროლი იარაღის მართლსაწინააღმდეგო შეძენა-შენახვა-ტარებაში ედება. სასამართლომ 13 იანვარს აღკვეთის ღონისძიების სახით მას პატიმრობა შეუფარდა.