X
რუსეთის "პირველი არხის" პროპაგანდისტული სიუჟეტი: სირიაში მომხდარი ქიმიური აფეთქების კადრები დადგმულია
10:51 / 12-04-2017
რუსეთის "პირველი არხის" მიერ მომზადებული სიუჟეტი, რომელიც მთავარ გამოშვებაში გავიდა, ეჭვქვეშ აყენებს ცნობილ კადრებს სირიიდან, რომელიც იდლიბზე განხორციელებული ქიმიური თავდასხმის შედეგებს ასახავს. სიუჟეტში ჩაწერილი ჰყავთ უფლებადამცველები, რომლებიც აღნიშნულ კადრებს დადგმულს უწოდებენ.

"ეს არის ალიბი, რომელსაც დასავლური გეოპოლიტიკური მოთამაშეები ქმნიან. ისინი დამარცხდნენ სირიაში და ახლა ცდილობენ, დაიბრუნონ ინიციატივა", - აცხადებს სიუჟეტის ერთ-ერთი რესპონდენტი.

აღსანიშნავია, რომ მომხდარის შემდეგ იგივე მესიჯი გაისმა რუსეთის ხელისუფლებისგანაც, როდესაც სირიაში, ქალაქ ჰან-შეიჰუნში ქიმიური იარაღის გამოყენების ამსახველი კადრები გავრცელდა. 5 აპრილს რუსეთის საგარეო საქმეთა სამინისტროს ოფიციალურმა წარმომადგენელმა მარია ხაზაროვამ განაცხადა, რომ სირიაში ქიმიური იარაღის გამოყენების ამსახველი ვიდეოკადრები დადგმულია. მისი თქმით, მოსკოვს ეჭვი არ ეპარება, რომ ეს არის პროვოკაცია.

შეგახსენებთ, რომ 2017 წლის 5 აპრილს ინტერნეტში გავრცელდა ვიდეომასალა, რომელშიც სირიაში მომხდარი ქიმიური თავდასხმის შედეგია ასახული. კადრებში ჩანს ტოქსიკური გაზის გამოყენების შედეგად დაშავებული და გარდაცვლილი ადამიანები. ბოლო მონაცემებით, სირიის პროვინცია იდლიბში გარდაცვლილთა რაოდენობა 75-მდე გაიზარდა. ადამიანები ტოქსიკური გაზის გამოყენების შედეგად გაიგუდნენ და მოიწამლნენ, რომელთაგან 20 ბავშვია.
ნახეთ ვიდეო| "მედია მალავს ამას, აჩვენეთ ეს ვიდეო მთელ მსოფლიოს" - კადრები, რომელშიც სირიაზე ქიმიური თავდასხმის შემზარავი შედეგია ასახული

დაგრჩა კითხვები? ნახე, რა ხდება სირიაში
ტეგები:
ბოლო სიახლეები
Autoplay
პოპულარული
სამწუხაროდ, კუნძულზე ვირუსი სწრაფად ვრცელდება - რა ვითარებაშია გიორგი ლორია
მეცნიერებმა კორონავირუსის ორგანიზმში შეჭრის კიდევ ერთი გზა დაადგინეს
არის თუ არა უსაფრთხო სასეირნოდ გასვლა? - იმუნოლოგ ბიძინა კულუმბეგოვის პასუხი 
პანდემია შეიძლება დასრულდეს მაის-ივნისში, თუმცა... - ამირან გამყრელიძე
კორონავირუსით ინფიცირებული ექიმის მიმართვა, რომელმაც იტალია შეძრა - "არ არსებობს სიტყვები, რომლებიც აღწერს, რა გამოსცადა ჩემმა სხეულმა, სულმა და გონებამ" [ქართული ტიტრებით]
"პირბადეები გაიკეთეთ, რა, მე კორონადან გამოვედი" - ექიმი ჟურნალისტებს
საშიშია თუ არა კორონავირუსი მათთვის, ვისაც გლანდები აქვს ამოჭრილი?
"იანვარში მქონდა ეს ვირუსი" -  კომენტარი, რომელსაც სოციალურ ქსელში დიდი გამოხმაურება მოჰყვა