"გირჩმა" რელიგიური გაერთიანება შექმნა - რა მიზნებს ისახავს "ბიბლიური თავისუფლება"?
პოლიტიკური გაერთიანება "გირჩი" წვევამდელებს სავალდებულო სამსახურიდან თავის არიდების შესაძლებლობას სთავაზობს. პარტიამ რელიგიური ორგანიზაცია, სახელწოდებით „საქართველოს ქრისტიანულ-ევანგელისტურ-პროტესტანტული ეკლესია - ბიბლიური თავისუფლება“ დააფუძნა. "გირჩში" აცხადებენ, რომ მასში გაწევრიანების შემთხვევაში ახალგაზრდა, როგორც სასულიერო პირი, სავალდებულო სამხედრო სამსახურისგან გათავისუფლდება. ზურაბ ჯაფარიძე ამბობს, რომ სავალდებულო სამხედრო სამსახურიდან ამჟამად 6 ახალგაზრდაა გათავისუფლებული, მსურველი კიდევ ბევრი ჰყავთ.