X
რუსთავში ორი ჩვილი დაიღუპა - ექიმი გარდაცვალების სავარაუდო მიზეზებზე
11:07 / 23-05-2017
რუსთავსა და სოფელ გაჩიანში ორი ჩვილის გარდაცვალების ფაქტი დაფიქსირდა. დღეს დილით კლინიკა "რუსთავში" მშობლებმა ჩვილი მიიყვანეს, რომელიც ექიმების ინფორმაციით, უკვე გარდაცვლილი იყო. მეორე ახალშობილი კი სასწრაფო დახმარების ბრიგადამ კლინიკაში უკვე გარდაცვლილი მიიყვანა. ახალშობილების გარდაცვალების ზუსტი მიზეზი ამ დროისთვის უცნობია.

როგორც "ინტერპრესნიუსს" კლინიკის ექიმმა განუცხადა, 30 აპრილს დაბადებული ჩვილი რუსთავიდან სასწრაფო დახმარების ბრიგადამ კლინიკაში უკვე გარდაცვლილი მიიყვანა, მეორე ჩვილი, 21 აპრილს დაბადებული ასევე გოგონა, გარდაბნის მუნიციპალიტეტის სოფელ გაჩიანიდან ოჯახის წევრებმა მიიყვანეს და ისიც უკვე გარდაცვლილი იყო. ექიმის განცხადებით, შემთხვევის შესახებ კლინიკამ საპატრულო პოლიციას აცნობა, სიკვდილის მიზეზებს კი ექსპერტიზა დაადგენს.

კლინიკა "რუსთავში" ამჟამად ექსპერტ-კრიმინალისტები მუშაობენ.

როგორც "ინტერპრესნიუსს" შსს-ში განუცხადეს, ორივე ფაქტზე სისხლის სამართლის საქმე 116-ე მუხლით არის აღძრული, რაც სიცოცხლის მოსპობას გაუფრთხილებლობით გულისხმობს.

ავტორი: მარი ვარდოშვილი
ბოლო სიახლეები
Autoplay
პოპულარული
ლუკაშენკომ ახალგაზრდა მოდელი ქალების კამპანიაში საზამთრო დაკრიფა, რასაც სოცქსელებში დიდი გამოხმაურება მოჰყვა
"ომი არ იქნება... სააკაშვილის მსგავსი სასოწარკვეთილი მოქმედებების გამეორებას არავინ შეეცდება" - ოსი ჩინოვნიკი [ქართული ტიტრებით]