კიდევ 2 დაღუპული ზესტაფონი-ქუთაისის გზაზე - მსხვერპლით დასრულებული მორიგი ავარია
ზესტაფონი-ქუთაისის დამაკავშირებელ გზაზე მომხდარი ავტოსაგზაო შემთხვევის შედეგად ორი ადამიანი გარდაიცვალა. შემთხვევა დღეს დილით მოხდა. თვითმხილველების თქმით, ერთმანეთს ორი მსუბუქი ავტომობილი დაეჯახა. დაშავებულია ორი ადამიანი. შსს-ს ინფორმაციით, მომხდართან დაკავშირებით გამოძიება სისხლის სამართლის საპროცესო კოდექსის 276-ე მუხლით მიმდინარეობს, რაც ავტომობილის ექსპლუატაციის წესების დარღვევას გულისხმობს, რასაც მსხვერპლი მოჰყვა.