X
შსს აქვეყნებს ფარულ ვიდეოჩანაწერს, რომელშიც, უწყების მტკიცებით, ჩანს, როგორ ყიდდნენ ბრალდებულები ნარკოტიკებს ფონიჭალაში
13:02 / 12-08-2017
შინაგან საქმეთა სამინისტრო ნარკორეალიზატორების დააკავებასთან დაკავშირებით ოფიციალურ განცხადებას ავრცელებს. როგორც განცხადებაშია აღნიშნული, შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და სახელმწიფო უსაფრთხოების სამსახურის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1989 წელს დაბადებული ნ.ჯ. და 1976 წელს დაბადებული მ.ჯ., ნარკოტიკული საშუალების უკანონო შეძენა-შენახვისა და გასაღების ბრალდებით, ფონიჭალაში დააკავეს.

„გამოძიებამ დაადგინა, რომ ბრალდებულები ნარკოტიკულ საშუალებას სისტემატურად ყიდდნენ. პოლიციამ, დაკავებულების საცხოვრებელი სახლების ჩხრეკისას, 33 შეკვრად დაფასოებული ჰეროინი ნივთმტკიცებად ამოიღო.

გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს (საქართველოს სსკ-ს 260-ე მუხლის 1-ლი და მე-4 ნაწილებით)“,- აღნიშნულია განცხადებაში.



ბოლო სიახლეები
Autoplay
პოპულარული
ჟურნალმა Forbes-მა სია გამოაქვეყნა
დოდო გუგეშაშვილი შვილის დაკრძალვაზე მიიყვანეს - ძალიან ემოციური კადრები  
პიანისტი ვალერიან შიუკაშვილი სცენაზე შეუძლოდ გახდა - პირველი კადრები რუსთაველის თეატრიდან
ოლიმპიადა მოციგურავეებისთვის სადებიუტო აღმოჩნდა
საქართველოს მესამე პრეზიდენტი ერთ-ერთი ყველაზე აქტუალური ფიგურაა
მამა იონამ ნაჩუქარი ჯიპი გაყიდა: გადავწყვიტე თანხა მოვახმარო ეკლესიის მშენებლობას და იმ ადამიანებს, ვისაც ფინანსური დახმარება სჭირდებათ