X
ხანძარი მესტიაში - სახანძრო სამუშაოებში ვერტმფრენი ჩაერთვება
15:29 / 13-08-2017
მესტიაში ბანგურიანის მთაზე გაჩენილი ხანძრის ჩასაქრობად სამუშაოებში ვერტმფრენი ჩაერთვება, - ამის შესახებ "ინტერპრესნიუსს" მესტიის გამგებელმა კახა ჟორჟოლიანმა განუცხადა.

მისი თქმით, ხანძრის ჩაქრობას მისი ადგილმდებარეობა ართულებს. გამგებლის ინფორმაციით, ცეცხლი ამ დროისთვის დაახლოებით 500 კვადრატულ მეტრს უკიდია.

"400-500 კვადრატულ მეტრამდე ტყის ზოლს აქვს მოდებული ცეცხლი.
სახანძრო-სამაშველო სამსახურები, მოსახლეობა და სასაზღვრო პოლიცია უკვე მიემართებიან ადგილზე. ცეცხლი მთაშია და იქიდან გამომდინარე, რომ მიუდგომელი ადგილია, ავტოტექნიკის გამოყენება შეუძლებელია. სახანძრო სამუშაოებში ჩაერთვება ვერტმფრენი", - განაცხადა კახა ჟორჟოლიანმა.

მისივე ინფორმაციით, ცეცხლი, სავარაუდოდ, წუხელ არის გაჩენილი და დღეს დილით ის უფრო დიდ ტერიტორიას მოედო.
ბოლო სიახლეები
Autoplay
პოპულარული
პირველი მსოფლიო ჩემპიონატის ფინალური შეხვედრის კადრები
ხვიჩიას ქუჩაზე, #30-ის მიმდებარე სკვერში 2 ხე მოიჭრა
სიყვარულის მექანიზმის ამოხსნა, ალბათ, ხშირად გიცდიათ