გორისა და ატენის ეპარქიაში, ერთ–ერთ ტაძარში ხელყუმბარა იპოვეს.
გორში, წერეთლის ქუჩაზე მდებარე ხარების სახელობის ეკლესიაში ხელყუმბარა და წერილი სტიქაროსანმა აღმოაჩინა და ფაქტის შესახებ პოლიციას აცნობა. ეკლესიის მსახურთა განცხადებით, წერილში, რომელიც ხელყუმბარასთან ერთად აღმოაჩინეს, უცნობი პირი ცხოვრების განმავლობაში ჩადენილი ცოდვების გამო შენდობას ითხოვს.
მომხდართან დაკავშირებით, შემთხვევის ადგილზე საგამოძიებო მოქმედებები მიმდინარეობს.
ავტორი: ია თინიკაშვილი
