ცნობილი მწერლები ქალთა კოლონიაში - "ბიბლუსმა" ქალ პატიმრებს 8 მარტი მიულოცა და საჩუქრად წიგნები გადასცა
"ბიბლუსმა" ქალთა კოლონიის პატიმრებს 8 მარტი მიულოცა და საჩუქრად წიგნები გადასცა. მაღაზიათა ქსელმა პატიმრებს და კოლონიის ბიბლიოთეკას როგროც ქართველი, ისე უცხოელი მწერლების მხატვრული ლიტერატურა გადასცა. ქალთა კოლონიას "ბიბლუსთან" ერთად მწერლებიც ესტუმრნენ. გიორგი კეკელიძე, ტორესა მოსი და შორენა ხუხუა პატიმრებს წიგნების მნიშვნელობაზე ესაუბრნენ და ავტოგრაფებიც დაარიგეს. შეხვედრაზე ქალთა კოლონიის რამდენიმე პატიმარმა თავისი დაწერილი ლექსიც წაიკითხა. მსგავსი ღონისძიებების ჩატარებას "ბიბლუსი" მომავალშიც აპირებს.