სასტიკი მკვლელობა ოზურგეთში: 80 წლამდე მამაკაცმა საკუთარი და მოკლა და ეზოში დამარხა
ოზურგეთის მუნიციპალიტეტის სოფელ დვაბზუში მკვლელობა მოხდა. არსებული ინფორმაციით, 80 წლამდე ასაკის მამაკაცმა საკუთარი და ბლაგვი საგნის გამოყენებით მოკლა და ცხედარი სახლის ეზოში დამარხა, რის შემდეგაც 80 წელს გადაცილებული დის დაკარგვის შესახებ პოლიციაში განაცხადა. როგორც შინაგან საქმეთა სამინისტროში განაცხადეს, მომხდარზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.