"ფასზე საუბარი აღარ არის, ზეგ და მაზეგ ძალიან გვიან იქნება" - ახმეტაში სტიქიით დაზარალებულმა ფერმერებმა დაზიანებული ყურძნის კრეფა დაიწყეს
ახმეტის სოფლებში სტიქიის შედეგად დაზარალებულმა ფერმერებმა დაზიანებული ყურძნის კრეფა უკვე დაიწყეს. მოსავლის ნაწილი ქარხანამ უკვე ჩაიბარა. ერთი კილოგრამი რქაწითელი 50 თეთრი ღირს. კომპანია დაზიანებულ ყურძენს სპირტისთვის გამოიყენებს. გადაწყვეტილება საგანგებო შტაბის სხდომაზე მიიღეს. სტიქიამ ახმეტის მუნიციპალიტეტის 4 სოფელი დაააზარალა.