ფასანაურთან პატრულმა გზააბნეული შვლის ნუკრი იპოვა - პალიტრა ვიდეო

შინაგან საქმეთა სამინისტროს საპატრულო პოლიციის დეპარტამენტის მცხეთა-მთიანეთის საპატრულო პოლიციის თანამშრომლებმა, ფასანაურთან, საავტომობილო გზაზე გზააბნეული შვლის ნუკრი შენიშნეს. ინფორმაციას ამის შესახებ შინაგან საქმეთა სამინისტროს პრესსამსახური ავრცელებს.

პატრულ-ინსპექტორებმა შველი უსაფრთხო ადგილას გადაიყვანეს და დაცული ტერიტორიების სააგენტოს თანამშრომლებს დაუკავშირდნენ.

პატრულ-ინსპექტორებმა და რეინჯერებმა შვლის ნუკრი ტყეში უვნებლად დააბრუნეს.