დაკავება თავდაცვის სამინისტროში - საბრძოლო ვაზნების უკანონო რეალიზაციის ბრალდებით დაკავებულია 3 თანამშრომელი
თავდაცვის სამინისტროს სამხედრო პოლიციამ სამი პირი დააკავა, - ამის შესახებ სამხედრო პოლიციის დეპარტამენტის გამოძიების სამსახურის უფროსის მოადგილემ, ირაკლი ბაზერაშვილმა სამინისტროში გამართულ ბრიფინგზე განაცხადა.
"სამხედრო პოლიციის დეპარტამენტის თანამშრომლების მიერ, ოპერატიული ინფორმაციის საფუძველზე მიმდინარე გამოძიების პროცესში, სამსახურებრივი მდგომარეობის გამოყენებით, საბრძოლო მასალის მართლსაწინააღდმდეგო შეძენის, შენახვისა და გასაღების ფაქტზე, ბრალდებულის სახით სამი პირი დააკავეს.
გამოძიებით დადგინდა, რომ ლოჯისტიკური უზრუნველყოფის სარდლობის, შეიარაღებისა და ტექნიკის სარემონტო ბაზის, შენახვის განყოფილების საბრძოლო მასალის შენახვის სპეციალისტი, გ.გ. დანაშაულებრივ კავშირში იმყოფებოდა ლოჯისტიკური უზრუნველყოფის სარდლობის საავტომობილო ბაზის საშტატო ასეულის მეთაურის მოადგილე ზ.მ-სთან, რომლებიც მოქალაქე ს.ბ.-ს დახმარებით, შეიარაღების და ტექნიკის სარემონტო ბაზიდან მართლსაწინააღმდეგოდ დაუფლებული საბრძოლო მასალის, კონკრეტულად, საბრძოლო ვაზნების რეალიზაციას ახდენდნენ. საქმეზე ჩატარებული საგამოძიებო მოქმედებების შედეგად, ბრალდებულების სათავსოდან და ავტომანქანიდან ამოღებულია დიდი რაოდენობით საბრძოლო ვაზნები. ბრალდებულებს აღკვეთის ღონისძიების სახით შეეფარდათ პატიმრობა, რომელთაც ბრალის დადასტურების შემთხვევაში ემუქრებათ 9-დან 13 წლამდე თავისუფლების აღკვეთა", - განაცხადა ირაკლი ბაზერაშვილმა.
მისივე თქმით, დაკავებები აგვისტოში განხორციელდა.
"სამხედრო პოლიციის დეპარტამენტის თანამშრომლების მიერ, ოპერატიული ინფორმაციის საფუძველზე მიმდინარე გამოძიების პროცესში, სამსახურებრივი მდგომარეობის გამოყენებით, საბრძოლო მასალის მართლსაწინააღდმდეგო შეძენის, შენახვისა და გასაღების ფაქტზე, ბრალდებულის სახით სამი პირი დააკავეს.
გამოძიებით დადგინდა, რომ ლოჯისტიკური უზრუნველყოფის სარდლობის, შეიარაღებისა და ტექნიკის სარემონტო ბაზის, შენახვის განყოფილების საბრძოლო მასალის შენახვის სპეციალისტი, გ.გ. დანაშაულებრივ კავშირში იმყოფებოდა ლოჯისტიკური უზრუნველყოფის სარდლობის საავტომობილო ბაზის საშტატო ასეულის მეთაურის მოადგილე ზ.მ-სთან, რომლებიც მოქალაქე ს.ბ.-ს დახმარებით, შეიარაღების და ტექნიკის სარემონტო ბაზიდან მართლსაწინააღმდეგოდ დაუფლებული საბრძოლო მასალის, კონკრეტულად, საბრძოლო ვაზნების რეალიზაციას ახდენდნენ. საქმეზე ჩატარებული საგამოძიებო მოქმედებების შედეგად, ბრალდებულების სათავსოდან და ავტომანქანიდან ამოღებულია დიდი რაოდენობით საბრძოლო ვაზნები. ბრალდებულებს აღკვეთის ღონისძიების სახით შეეფარდათ პატიმრობა, რომელთაც ბრალის დადასტურების შემთხვევაში ემუქრებათ 9-დან 13 წლამდე თავისუფლების აღკვეთა", - განაცხადა ირაკლი ბაზერაშვილმა.
მისივე თქმით, დაკავებები აგვისტოში განხორციელდა.