ბიძინა ივანიშვილმა მთავრობის ახალი შემადგენლობა წარადგინა - პალიტრა ვიდეო

კოალიცია "ქართული ოცნების" ლიდერმა ბიძინა ივანიშვილმა მთავრობის მომავალი შემადგენლობიდან უმრავლესობა უკვე დაასახელა. ახალ მთავრობაში მინისტრების პოსტები ასე გადანაწილდება:

შინაგან საქმეთა სამინისტრო - ირაკლი ღარიბაშვილი; თავდაცვის სამინისტრო - ირაკლი ალასანია (ამავე დროს, ვიცე-პრემიერი); იუსტიციის სამინისტრო - თეა წულუკიანი; სასჯელაღსრულების სამინისტრო - სოზარ სუბარი.

რეგიონული განვითარებისა და ინფრასტრუქტურის სამინისტრო - კახა კალაძე (ამავე დროს, მეორე ვიცე-პრემიერი); სოფლის მეურნეობის სამინისტრო - დავით კირვალიძე; სპორტისა და ახალგაზრდობის საქმეთა სამინისტრო - ლევან ყიფიანი;

საგარეო საქმეთა სამინისტრო - მაია ფანჯიკიძე; კულტურისა და ძეგლთა დაცვის სამინისტრო - გურამ ოდიშარია; ჯანდაცვის სამინისტრო - ამირან გამყრელიძე.

დიასპორის საკითხებში სახელმწიფო მინისტრი - კოტე სურგულაძე; ევროპულ და ევროატლანტიკურ სივრცეში ინტეგრაციის საკითხებში სახელმწიფო მინისტრი - ალექსი პეტრიაშვილი; რეინტეგრაციის საკითხებში სახელმწიფო მინისტრი - პაატა ზაქარეიშვილი;

სახელმწიფო აუდიტის სამსახურის გენერალური აუდიტორი - რევაზ შავიშვილი; ეროვნული ბანკის პრეზიდენტი - ნოდარ ჯავახიშვილი; გენერალური პროკურორი - არჩილ კბილაშვილი; გამოცდების ეროვნული ცენტრის ხელმძღვანელი - მაია მიმინოშვილი.

ფინანსთა, ეკონომიკის, განათლების, გარემოს დაცვისა და ლტოლვილთა მინისტრობის კანდიდატურები ბიძინა ივანიშვილს დღეს არ დაუსახელებია; არაფერი უთქვამს დასაქმების სახელმწიფო მინისტრზეც.

იხილეთ: ბიძინა ივანიშვილმა პარლამენტის თავმჯდომარე და კომიტეტების ხელმძღვანელები წარადგინა