"მე რა, ნაფტალინიდან ამოღებული კაცი ვარ?" - რაზე წყდება გული ლადო პაპავას - პალიტრა ვიდეო

"მე არ მინდა, ჩემზე წარსულში ილაპარაკონ. მე რა, ნაფტალინიდან ამოღებული კაცი ვარ, რომ გაგიკვირდეთ, მინისტრად რომ დამნიშნონ? - ამის შესახებ ეკონომისტმა, პროფესორმა ლადო პაპავამ რადიო "პალიტრის" (FM 103,9) გადაცემა "რეზიუმეს" ეთერში წამყვანის შეკითხვაზე უპასუხა იმასთან დაკავშირებით, იყო თუ არა შეთავაზება ივანიშვილის გუნდის მიერ, კონსულტაციებში მონაწილეობასთან დაკავშირებით.

"იმედი მაქვს, რომ დღესაც მოქმედი ვარ, მიუხედავად იმისა, რომ არანაირი თანამდებობა არ მიჭირავს. ჩემთვის მართლაც არაფერი არ შემოუთავაზებიათ და საერთოდ, ამ თემაზეც კი, ვინ შეიძლება მოიაზრებოდეს, არანაირი კონსულტაციები ჩემთან არ მიმდინარეობს" - განაცხადა პაპავამ.

იხილეთ გადაცემის სრული ჩანაწერი