გულზე ყოველთვის მიკიდია ჯვარი და ჩერჩილის გამონათქვამი - მიხეილ სააკაშვილი
მიხეილ სააკაშვილმა "რუსთავი 2"-ზე სტუმრობისას განაცხადა, რომ ჯვართან ერთად ატარებს უინსტონ ჩერჩილის გამონათქვამს: "არასოდეს, არასოდეს, არასოდეს არ ჩამოუშვა ხელები!" საქართველოს პრეზიდენტმა რუსეთ-საქართველოს ურთიერთობებზე საუბრისას აღნიშნა: "გვეუბნებიან: თქვენ გაქვთ არჩევანი უღირსობასა და სრულ ოკუპაციას შორის. ჩვენ შეიძლება ავირჩიოთ უღირსობა და მივიღოთ სრული ოკუპაცია", - განაცხადა მიხეილ სააკაშვილმა გადაცემა "პოზიციაში". მისი თქმით, რუსეთმა ჯერ კიდევ ვერ მოახერხა საქართველოს ოკუპაცია ქართველი ჯარისკაცების გმირობის გამო.